ՄՍԿՀ Տեխնոճամբար 2026. Ինժեներական լուծումներ և ԱԲ գործիքակազմ՝ Արատեսի զարգացման համար

Ժամկետները՝ օգոստոսի 4-7, 2026թ. Վայրը՝ Վայոց Ձոր, Արատեսի դպրական կենտրոն Մասնակիցներ՝ ՄՍԿՀ և այլ դպրոցների հայտագրված սովորողներ ու դասավանդողներ։

«Տեխնոճամբար 2026»-ը (օգոստոսի 4-7) նպատակ ունի Արատեսը դարձնել ավելի «խելացի» և ինքնաբավ՝ կիրառական ինժեներիայի և արհեստական բանականության միջոցով:

Ճամբարի թեմատիկ ուղղությունները

• Հողմակայանի տեղադրում ու դրա արտադրած հոսանքով լեդ լուսավորության մոնտաժ։
• Մետեոկայանի տեղադրում։
• Փոքր ռոբոտների մրցույթ, որոնք պետք է հաղթահարեն Արատեսի բնական խոչընդոտները (քարեր, ջրափոսեր, թեքություններ)։
• Բոլոր տների լուսամփոփների ստեղծում։
• Արհեստանոցի նորամուտ՝ տարբեր տեսակի գործիքներ։
• QR կոդերի ստեղծում և տեղադրում պատմական կառույցների մոտ, որոնք հեռախոսով դիտելիս ցույց կտան եկեղեցու վերականգնված 3D մոդելը կամ կպատմեն պատմությունը (օգտագործելով AI-ով ստեղծված ձայնային ուղեկցորդ):
• Ազգային երգ, պար։
• Հայրենագիտական քայլարշավներ։
• Սպորտային մրցույթներ։
• Ցանկը ենթակա է համլրման և փոփոխման

Ակնկալվող արդյունքներ

• Տեղադրված և գործող առնվազն 2 ինժեներական համակարգ (էներգետիկ և մետեո):
• Արատեսի թվային մոդելը։
• Յուրաքանչյուր նախագծի համար պատրաստված տեսանյութ և բլոգային պատումների շարք:
• Ռոբոտների մրցույթ։